«Ko‘zlar quruqligi» nima?

Ko‘zlar quruqligi uchun tomchilar, ko‘pincha ularni sun’iy ko‘z yoshi ham deyishadi – bu dorilar emas, balki ko‘zlar quruqligida yordam beradigan o‘rin bosuvchi terapiya. Ular ko‘zlarni himoya qilish, namlantirish va “moylash” uchun qo‘llanadi. Sun’iy ko‘z yoshlari ko‘z yuzasida himoya qatlamini yaratadi, u tabiiy ko‘z yoshlariga qaraganda sekinroq bug‘lanadi va ko‘zlarni yumib-ochganda qovoqlar ishqalanishini kamaytiradi. Shuningdek, ular ko‘zlar yuzasidagi hujayralarning mayda shikastlanishlarini tuzatishga yordam beradi. Ular ko‘zlar yuzasida 20 daqiqagacha turadi va ko‘zlar quruqligini yengillashtirib, ularni himoya qiladi.

Sun’iy ko‘z yoshlarining juda ko‘p turlari mavjud, ular tarkibi, zichligi va konservantlari bor-yo‘qligi bilan farq qiladi. Bunday preparatlar tarkibida ko‘p miqdorda konservantlar bo‘lmagani ma’qul, chunki ular ko‘zlarning ta’sirlanishini keltirib chiqarishi va ko‘z yuzasidagi hujayralarni shikastlashi mumkin. Sun’iy ko‘z yoshlaridan foydalanadigan patsiуentlar ana shunday xatarga ko‘proq duch keladi. Shu bois sun’iy ko‘z yoshlari tarkibida konservantlar yo‘qligi olqishlanadi.