Bolalarda ko‘zlar salomatligi

‘yinchoqlar va bezak buyumlarida yorqin ifodalangan kontrast ranglar va naqshlar yordamida yangi tug‘ilgan chaqaloqlar va ilk yoshdagi bolalarning vizual idrokini rag‘batlantirishingiz mumkin.

Farzandingiz yangi muhitda bo‘lganida, unga atrofdagi narsalarga e’tibor berish uchun vaqt bering. Bola yanada kengroq ko‘rish maydoni bilan tanishishi uchun buyumlarga har tomondan yaqinlashing. Yangi tug‘ilgan chaqaloqning ko‘zlarini yashirish va ochishni o‘z ichiga olgan o‘yinlar ko‘rish va harakat o‘rtasidagi koordinatsiyani rivojlantirishga yordam beradi. Bunga juda kichik bolalar va maktab yoshidagi bolalar bilan to‘pni aylana shaklda bir-biriga berish orqali erishish mumkin.

Rux, lyutein, omega-3 yog‘ kislotalari va A, C va E vitaminlari kabi oziq moddalar ko‘zlar salomatligi uchun muhim ekani aniqlangan.

Apelsin, qulupnay va mango kabi C va E vitaminlariga boy mevalar to‘qimalarni tiklashga va infektsiyalarning oldini olishga yordam beradi. Baliqdagi omega-3 yog‘ kislotalari ko‘zlar quruqligi belgilarining oldini oladi va kelajakda katarakta rivojlanish xavfini kamaytiradi.

Ismaloq va karam kabi A vitaminini o‘z ichiga olgan bargli sabzavotlar ko‘zlar quruqligi va tungi ko‘rlikka qarshi kurashishda yordam beradi. Tuxum va yong‘oqlardan olinadigan oqsil ham bolaning ratsionini muvozanatlashtirishda yordam beradi.

Shuningdek, sog‘lom ovqatlanish boshqa ko‘z kasalliklari bilan bog‘liq bo‘lgan semizlik va gipertoniya kabi holatlarning oldini olishga yordam berishini esda tutish muhim.

Bolalikdagi ko‘z jarohatlarining juda katta foizining oldini olish mumkinligi isbotlangan. Bolalar faolroq bo‘lishiga qarab, ularni polikarbonat linzalarga ega sinmaydigan plastikdan tayyorlangan himoya ko‘zoynaklari bilan ta’minlang. Belgilangan standartlarga javob beradigan ko‘zoynakni qidiring. Bundan tashqari, ichki va tashqi o‘yin maydonchalaridan har qanday xavfli buyumlarni olib tashlang.

Raqamli qurilmalardan foydalanishni cheklang. Raqamli ta’lim keng tarqalgani bois, kompyuter, planshet va mobil telefon ekranlari bolalar hayotida har qachongidan ham ko‘proq mavjud. Ekranlarni ularning ko‘zlaridan uzoqroq tuting va farzandingizni ko‘zlari dam olishi uchun vaqti-vaqti bilan tanaffus qilishga undang. Bu juda muhim, chunki doimiy ravishda ekranga yaqindan qarash ko‘zlarning zo‘riqishini keltirib chiqaradi, bu esa ko‘rish qobiliyatining xiralashishiga, quruqlik va ta’sirlanishga hamda diqqatni jamlash bilan muammolarga olib keladi.

Farzandingiz quyidagi qiyinchiliklarga duch kelayotganini sezsangiz, uning ko‘rish qobiliyatidagi muammolarni ertaroq aniqlashingiz mumkin:

• uzoq masofadagi obуektlarga bo‘lgan qiziqishning yo‘qligi
• ko‘zlarni qisib qarash
• boshni egish
• buyumlarni ko‘zlarga juda yaqin ushlash
• ko‘zlarni ishqalash
• yorug‘ga ta’sirchanlik
• ko‘rish qobiliyati va harakatlarning yomon koordinatsiyasi
• mutolaa yoki uzoqdagi buyumlarni ko‘rishga qiziqishning yo‘qligi.

Agar siz yoki pediatringiz bolangizda ko‘rish muammolari borligini gumon qilayotgan bo‘lsa oftalmolog qabuliga yoziling. Mutaxassis sifatida oftalmolog ko‘rish qobiliyatining rivojlanishi bilan bog‘liq ehtimoliy muammolar bo‘lganida, qanday choralar ko‘rish kerakligini tushuntirishi mumkin. Ko‘pgina muammolar erta aniqlanganida, muvaffaqiyatli davolanishi mumkin. Farzandingiz ko‘zlari haqida muntazam g‘amxo‘rlik qilganingizda, tashvishlanishga hech qanday sabab bo‘lmaydi.