«Ko‘zlar toliqishi» nima?

Ko‘zlarning zo‘riqishi – bu ko‘zlar jadal ishlashdan toliqqanida, masalan komryuterda uzoq vaqt ishlaganda yoki uzoq masofalarga avtomobil haydaganda yuzaga keladigan keng tarqalgan holat.

Ko‘zlarning zo‘riqishi noqulaylik tug‘dirishi mumkin, biroq bu unchalik jiddiy emas va ko‘zlar dam olganidan keyin yoki ko‘zlardagi noqulaylikni bartaraf etish uchun boshqa choralar ko‘rilganidan so‘ng u o‘tib ketadi. Ayrim hollarda ko‘zlar zo‘riqishining alomatlari davolanishi kerak bo‘lgan asosiy ko‘z kasalligiga ishora qilishi mumkin.

Ko‘zlarning zo‘riqishi quyidagi alomatlarni o‘z ichiga oladi:

ko‘zlardagi og‘riq, charchash, achishish yoki qichishish
yosh oqayotgan yoki quruq ko‘zlar
ko‘rish qobiliyatining noaniqligi yoki narsalarni ikkita ko‘rish
bosh og‘rig‘i
bo‘yin, yelka yoki orqa yelkadagi og‘riqlar
yorug‘ga yuqori darajada ta’sirchanlik (fotofobiya)
diqqatni jamlash bilan bog‘liq qiyinchiliklar
ko‘zlarni ochiq holatda ushlab turolmaslik hissi.

Ko‘zlar zo‘riqishining keng tarqalgan sabablariga quyidagilar kiradi:

raqamli qurilmalarning ekranlariga uzoq vaqt qarash
ko‘zlarga dam olish uchun tanaffus qilmasdan mutolaa qilish
uzoq masofalarga avtomobil haydash va uzoq vaqt diqqatni jamlashni talab qiladigan boshqa faoliyat turlari
kuchli yorug‘lik yoki shu’lalar ta’siri
ko‘zlarning juda past yorug‘likdan zo‘riqishi
ko‘zlar quruqligi va to‘g‘irlanmagan ko‘rish qobiliyati kabi asosiy ko‘z muammolari
stress yoki charchoq
ventilyatorlar, isitish tizimlari yoki konditsionerlardan keladigan quruq havo ta’siri.

Kompyuter va raqamli qurilmalardan foydalanish

Kompyuterlar va boshqa raqamli qurilmalardan uzoq vaqt foydalanish ko‘zlar zo‘riqishining eng keng tarqalgan sabablaridan biri hisoblanadi. Amerika optometristlar assotsiatsiyasi buni kompyuterga qarash sindromi deb ataydi. Shuningdek, uni ko‘zlarning raqamli zo‘riqishi deb ham atashadi. Kuniga ko‘p soatlar davomida ekranga tikiladigan odamlarda ushbu kasallikning rivojlanish xavfi yuqori.

Kompyuterda ishlash ko‘zlar bosma materiallarni o‘qishdan ko‘ra ko‘proq zo‘riqtiradi, chunki odamlar quyidagilarga moyil bo‘ladi:

Kompyuterda ishlayotganda ko‘zlar kamroq yumib-ochiladi, yumib-ochish esa ko‘zlarni namlantirish uchun zarur
Raqamli ekranlarga masofadan yoki ideal bo‘lmagan burchakdan qaraydi
Shu’lalanuvchi yoki aks ettiruvchi qurilmalardan foydalanishadi
Matn va fon o‘rtasida past kontrastli qurilmalardan foydalanishadi
Ba’zi hollarda, ko‘z mushaklaridagi nomutanosiblik yoki to‘g‘irlanmagan ko‘rish qobiliyati kabi asosiy ko‘z muammosi kompyuterga qarash sindromini keltirib chiqarishi yoki uni chuqurlashtirishi mumkin.

Alomatlarni qanday yengillashtirish mumkin

Ko‘zlarning zo‘riqishi jiddiy yoki uzoq muddatli oqibatlarga ega emas, biroq u vaziyatni chuqurlashtirishi va noqulaylik tug‘dirishi mumkin. U charchoqni keltirib chiqarishi va diqqatni jamlash qobiliyatini pasaytirishi mumkin.

Hayot tarzining o‘zgarishi va ko‘zlar salomatligi haqida kundalik g‘amxo‘rlik ko‘zlar toliqishi alomatlarini sezilarli darajada yengillashtirishi mumkin. Ko‘zlar quruqligiga qarshi tomchilardan muntazam foydalanish ham bunda yordam beradi.

O‘xshash maqolalar

Quruq ko‘z

Ekrandan ko‘z uzmasdan? Ko‘zlar quruqligi bo‘yicha 6 ta maslahat yordamida ularni himoya qiling

Ko‘zlar salomatligi

Ko‘zlar salomatligi uchun 8 ta oddiy sog‘lom odat

Quruq ko‘z

Konditsionerlar ko‘zlarga qanday ta’sir qiladi

Bizning tavsiyamiz

Ko‘zlar quruqligi uchun natriy gialuronat konsentratsiyasi 0,21% va 0,4% bo‘lgan Optinol ko‘z tomchilari tabiiy ko‘z yoshining o‘rnini bosuvchi preparat hisoblanadi va kontakt linzalarni yechmasdan qo‘llash uchun mos keladi. Ular ko‘zlarni himoya qilish, namlantirish va «moylash» uchun qo‘llanadi. Tomchilarni qo‘llash ko‘zlardagi muammolarni tezda bartaraf etish imkonini beradi.